Die Influentcer Groei deur Vloeibare Invloed
TUISBLAD
COVID-19 het letterlik ons finansiele en ekonomiese wereld op sy kop gekeer in slegs 'n paar weke! Derduisende werks- en sakegeleenthede het meteens verdamp, soos mis voor die son, en skielik vind mense hulself werkloos, op korttyd en/of kortbetaling, terwyl oorlewende ondernemings indringend sal moet besin oor uiters kreatiewe maniere om hul bedrywighede te onderhou, voort te sit, te ontwikkel en inkomste te genereer.

In navolging van ons missie, Groei deur Vloeibare Invloed, het ons hier by Influentcer PROJECT REBUILD of te wel PROJEK HERBOU geloods, met die uitdruklike doel om mense te ondersteun, nie net om in die nasleep van COVID-19 te oorleef nie, maar om 'n invloed uit te oefen oor hoe ons aan onsself dink en hoe ons besigheid en verhoudings in die toekoms gaan benader.

Die basis motivering met PROJEK HERBOU is om ons lewens, ons gemeenskappe, die wyer samelewing en ons land van onderaf te begin herbou - vanaf elke indiwidu en onderneming boontoe.

Is PROJEK HERBOU vir my?

As u uself skielik werkloos bevind is PROJEK HERBOU beslis vir u.

Indien u 'n besigheidseienaar is wie skielik personeel moet verminder en beheer oor bedryfskostes moet kry, of u word gekonfronteer met die uitskakeling van eerstydse sakevennote en bedryfsondersteuners, dan is PROJEK HERBOU beslis vir u.

Influentcer se PROJEK HERBOU is nie 'n plasings- of personeelagentskap nie, maar 'n platform om mense met vaardighede en geleenthede te verbind met mense opsoek na sodanige vaardighede en geleenthede op 'n kontraktuele projekbasis.

Kwalifiseer ek om by PROJEK HERBOU in te skakel?

Indien u oor vaardighede beskik, ongeag hoe algemeen tot uiters gespesialiseerd, kwalifiseer u beslis.

Insgelyks, indien u vaardighede en geleenthede benodig vir u onderneming, kwalifiseer u ook.

Influentcer glo hoegenaamd nie aan die verpolitisering of die toepassing van enige vorm van diskrimminasie in die sakeomgewing nie en gevolglik sal ons glad nie korrespondensie oorweeg wat melding of voorsiening maak vir BBEEE, AA or EE vereistes of status nie.

Hoe sluit ek aan en neem deel aan PROJEK HERBOU?

Klik eenvoudig op die "
Meer Inligting" skakel hieronder, vul die vormpie waarheen u geneem sal word in, stuur dit en ons sal so spoedig moontlik daarna met u in verbinding tree. Die kontakvorm is voorlopig net in Engels beskikbaar en ons webbou program maak nie voorsiening vir deeltekens en kappies nie, maar ons werk daaraan!

Ons sien uit om saam met u hande te vat en ons wereld te maak werk en groei, deur ons saamgestelde vloeibare invoed!
[Meer Inligting]
Projek
Herbou
Welkom by die Influentcer webwerf waar groei ons doel is - deur vloeibare invloed!
[Tuisblad] [Publikasies] [Artikels] [Kontak] [Engels]